Serokê DYA’yê Donald Trump, di parvekirina xwe ya li ser Truth Social de ragihand ku Dewletên Yekbûyî yên Amerîkayê neh keştiyên Îranê îmha kirine. Trump got: "Vê gavê agahî gihîşt min ku me 9 keştiyên Îranê îmha kirine û noqî avê kirine; hin ji van keştiyên mezin û girîng bûn."

Trump diyar kir ku êrîşên li dijî keştiyên mayî berdewam dikin û wiha got: "Em li dû yên din in û ew jî dê di nêz de li binê deryayê bin" Her wiha wî da zanîn ku di êrîşeke cuda de, biryargehên deryayî yên Îranê jî bi piranî hatine rûxandin.